भदाै १५, सल्यान ।
राप्ती साहित्य परिषद् सल्यानले सल्यानमा राप्ती गजल संगम कार्यक्रम २०७८ गर्ने भएको छ ।
साहित्यसेवी १५६ औं मोति जयन्तीको अवसर पारी सल्यान, दाङ्ग र रोल्पाका ३/३ जना गजलकारहरुको उक्त कार्यक्रममा सहभागिता रहने राप्ती साहित्य परिषद् सल्यानले जनाएको छ ।
राप्ती गजल सङ्गम कार्यक्रम २०७८ सल्यानको खलंगामा हुने भएको छ ।
उक्त कार्यक्रममा सल्यानका राजेन्द्र जिएम, सृजना देवकोटा, वाईबी जिएम, दाङ बाट प्रतीक सङ्ग्रामी, भुमी क्षेत्री, आशिष् कल्पबृक्ष र रोल्पाबाट सन्तोष मगर, सपना डाँगी, दिलकुमारी बुढामगरले गजलहरु प्रस्तुत गर्ने परिषदका सचिव तारादेव शर्मा जानकारी दिए ।
कार्यक्रम यहि भदाै २२ गते सल्यान खलंगामा बिहान साढे १० बजे हुने बताइएकाे छ ।
अहिलेको समयमा साहित्य क्षेत्र प्रभावकारी बन्दै आएको यो अवस्थामा राप्ती साहित्य परिषद सल्यानले पनि यसअघि अनलाइन मार्फत पहिलो सल्यान कविता सङ्ग्राम कार्यक्रम २०७८ गरेकाे थियाे ।
